АТЫШОВ Көбөгөн

АТЫШОВ Көбөгөн (20. 10. 1949-жылы туулган, Нарын облусу, Кочкор району, Кум-Дөбө айылы) ‒ экономист, экономика илимдеринин доктору (1992). КМУнун география факультетин бүткөн (1971). Орто мектепте мугалим, Кыргыз Энциклопедиясында илимий редактор, КР УИАнын экономика жана политология институтунда илимий кызматкер, 1995-жылдан КАЧУда кафедра башчы, декан. 2002‒2003-жылдары Бишкек мамлекеттик экономика жана ишкердик университетинде кафедра башчысы, 2005-жылдан проректор. Эмгектери Кыргызстандын жаратылыш ресурстарын экономикалык жактан баалоого жана натыйжалуу пайдаланууга, туризмди жана регионалдык экономиканы өнүктүрүүгө арналган. 100дөн ашуун илимий иштери жарыяланган.

Эмг.: Кыргызстандын туризм географиясы. Б., 1996; Туризм алкагындагы реклама. Б., 1997; Экотуризм. Б., 2005.