АНОРТИТ

АНОРТИТ (гр. anorthos – кыйгач, кыйшык) - плагиоклаздар тобундагы минерал. Химиялык формуласы Ca[Al₂Si₂O₈]. Триклин сингониясында кристаллданат. Катуулугу Моос шкаласы боюнча 6. салмагы 2,76. Өңү ак, көгүш кызгылт, айнек сымал жалтырак. Таза анортит сейрек кездешет. Скарн менен роговиктерде, кээде метеориттерде жолугат. Анортит – негиздүү магма тоотектерди түзүүчү минералдардын бири.